Posted on: July 26th, 2022
Mkurugezni Mtendaji wa Halamshauri ya Wilaya ya Busega Bi. Veronica Sayore amewapongeza Walimu wa Shule ya Sekondari Mkula kwa ufaulu wa juu katika matokeo ya mtihani wa kidato cha sita mwaka 2022. Hafla hiyo fupi imefanyika leo tarehe 26 Julai 2022 katika ukumbi wa Shule hiyo, ikiwa ni pongezi kwa Walimu hao, ambapo wamepatiwa vyeti vya kutambua na kuthamini mchango mkubwa wa kufaulisha wakiongozwa na Mkuu wa Shule hiyo Mwalimu Catherine Malegi.
Shule ya Sekondari Mkula imeshika nafasi ya kwanza kwa Mkoa wa Simiyu kati ya Shule 13 za kidato cha sita, huku ikishika nafasi ya 23 kati ya Shule 644 Kitaifa. Mkula imekuwa kinara baada ya wanafunzi waliopata ufaulu wa daraja la kwanza kuwa ni 57 na daraja la pili wakiwa 8.
Aidha, Sayore amewataka Walimu kuongeza bidii na kuhakikisha wanafunzi wanafanya vizuri katika Shule zote zilizopo Wilayani Busega ili malengo ya wazazi na wanafunzi hao yaweze kufikiwa kama ilivyo azma ya Serikali ya Awamu ya Sita inayoongozwa na Rais wa Jamhuri ya Muuungano wa Tanzania Mhe. Samia Suluhu Hassan.
Mkurugenzi Mtendaji, Halmashauri ya Wilaya ya Busega
Sanduku la Posta: 157 BUSEGA
Simu ya Mezani: +255 282 981 193
Simu ya Mkononi:
Barua Pepe: info@busegadc.go.tz
